Codex diplomaticvs Hvngariae ecclesiasticvs ac civilis, VIII/3.

CLIX.

A. Ch. 1329. Capituli Transiluani super facto cambii ac reambulationis metarum Sziluás, Septér, Nagy-Akasztó, inter Regem Carolum, ac Stephanum Bogár peracto, testimoniales. Feria II. prox. post Dom. Iudica.

Capitulum Ecclesiae Transiluanae vniuersis Christi fidelibus tam praesentibus quam futuris, praesens scriptum inspecturis, salutem in omnium Saluatore. Si quando aut vtilitate exigente, cum meliora perspiciuntur, aut necessitate vrgente, cum cautum haberet expedienti causa se offerente, contractus permutationis rerum ineuntur, pactionibus restituuntur, nempe cum pragmatica sanctionis cognitione muniuntur, vt immobiliter obseruentur, aeuiternae memoriae scripti annotatione commendantur. Proinde est, quod Magistro Laczk, Comite Siculorum vice et nomine Domini nostri Caroli, illustris regis Hungariae, cum procuratoria ad infra scripta, plenum et speciale mandatum continente in medio nostri ab vna parte, et Magistro Stephano, dicto Bogar, filio Francisci, filii Bethend ex altera, in nostri praesentia constitutis, idem Magister Lack tanquam procurator ipsius Domini regis, ex mandato ipsius perorans proposuit, et voce vicaria Domini regis fassus extitit in hunc modum: Quod ipse Dominus noster Rex quasdam possessiones suas in partibus. Transyluanis constitutas, videlicet Syluás, cum terra Nagy Akasztó vocata, item Septér, Item Hermenes vocatas in Comitatu de Clus existentes etc. Item metae terrarum Buza, Gyeke, Lak, Nuszal 378etc. Datum feria secunda proxima post Dominicam Iudica. Anno Domini MCCCXXIX.