Codex diplomaticvs Hvngariae ecclesiasticvs ac civilis, VIII/2., CODEX DIPLOMATICVS, CXCVII.

CXCVII.

A. Ch. 1323. Idem Carolus donationales super terra Hulete Martino, filio Bugar concessas, nouo sigillo suo expedit XII. kal. Iun. s. l.

Karolus, Dei gracia, Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, Princeps Salernitanus et honoris ac montis Sancti Angeli Dominus. Omnibus Christi fidelibus tam presentibus quam futuris, presens scriptum inspecturis, salutem in omnium Saluatore. Ad vniuersorum noticiam harum serie volumus peruenire: quod accedens ad nostre 431Serenitatis presenciam Magister Martinus, filius Bugar, dilectus et fidelis noster, exhibuit nobis quoddam priuilegium nostrum super quadam terra, Hulete vocata, in comitatu Posoniensi existente, sub veteri et antiquo sigillo nostro concessum et confectum, petens a nobis humili precum instancia, vt idem priuilegium nostrum ratum habere, et nostro dignaremur priuilegio confirmare: Cuius tenor talis est: Karolus (v. ad an. 1310.) Nos itaque iustis et legitimis peticionibus eiusdem Magistri Martini fauorabiliter inclinati, tenorem memorati priuilegii nostri non abrasum, non cancellatum, nec in aliqua sui parte viciatum, de verbo ad verbum transcribi et presentibus inseri iubendo ratificamus, approbamus, idemque priuilegium nostrum eidem Martino et suis heredibus, heredumque suorum successoribus sub appensione sigilli nostri noui et authentici presentis scripti patrocinio perpetuo confirmamus. In cuius rei memoriam, firmitatemque perpetuam, presentes concessimus litteras dupplicis sigilli nostri noui et autentici munimine roboratas. Datum per manus discreti viri Ladizlai, Praepositi Ecclesie Albensis, aule nostre Vice-Cancellarii, dilecti et fidelis nostri. Anno Domini MCCCXX. tercio. duodecimo kalen. Iunii, regni autem nostri anno similiter vicesimo tercio. Venerabilibus in Christo Patribus, Dominis Bolezlao Strigoniensi, et fratre Ladizlao Colocensi Archiepiscopis; Iohanne Nytriensi, Benedicto Chanadiensi, Nicolao Iauriensi, Georgio de Sancto Ireneo, Ladizlao Quinqueecclesiensi, fratre Petro Boznensi, Iwanka Waradiensi, Andrea Transilvano, Herrico Wesprimiensi, Chanadino Agriensi Episcopis, Ecclesias Dei feliciter gubernantibus. 432Magnificis viris Philippo Palatino Comite Scepusiensi, et de Wywar, Demetrio Magistro Tawarnicorum nostrorum, Comite Bachiensi, et Thrinciniensi, Lamperto Iudice Curie nostre, Comite Chanadiensi et Nitriensi, Thoma Woyvoda Transiluano Comite de Zonuk, Nicolao Bano tocius Sclauonie, Comite Supruniensi, et Kamarun, Paulo Bano de Macho, Comite Syrmiensi et de Wolko, et de Budrug, Mykch Magistro Tawarnicorum Domine regine, karissime consortis nostre, Deseu Iudice Curie eiusdem Regine, Blasio Magistro Agasonum nostrorum, Dionysio Magistro Dapiferorum nostrorum, Nicolao Comite Posoniensi, et Nicolao Comite Symigiensi, et aliis quam pluribus regni nostri comitatus tenentibus et honores.“ Sigillum dupplex pendens.“