Codex diplomaticvs Hvngariae ecclesiasticvs ac civilis, VIII/2., CODEX DIPLOMATICVS, CXCV.

CXCV.

A. Ch. 1323. Idem Carolus donationales suas super possessionibus Milenthe et Oleykuta, Martino, filio Bugar, nouo sub sigillo elargitur. XII. kal. Iun. s. l.

Karolus, Dei gratia, Hungariae, Dalmatiae, Croatiae, Ramae, Seruiae, Galliciae, Lodomeriae, Cumaniae, Bulgariaeque Rex. Princeps Salernitanus, et honoris ac montis S. Angeli Dominus. Omnibus Christi fidelibus tam praesentibus quam 427futuris, praesentem paginam inspecturis, salutem in eo, qui regibus, dat salutem. Ad vniuersorum notitiam, tam praesentium quam futurorum, harum serie volumus peruenire: quod accedens ad nostre Serenitatis praesentiam Martinus, filius Bugar, dilectus et fidelis noster exhibuit nobis quoddam priuilegium nostrum per nos eidem super quibusdam possessionibus Milenthe et Oleykutha vocatis, in comitatu Poson. existen. largitum, sigillo nostro veteri consignatum, petens a nobis humili precum instancia, vt idem priuilegium, nostrum ratum habere, et sub appensione sigilli nostri noui et autentici nouo dignaremur priuilegio confirmare. Cuius quidem priuilegii tenor talis est: Karolus (v. ad an. 1309) Nos itaque iustis et legitimis, ac admissione dignis eiusdem Martini fidelis nostri peticionibus fauorabiliter inclinati, tenorem memorati priuilegii nostri non abrasum, non cancellatum, nec in aliqua sui parte viciatum, de verbo ad verbum transcribi et presentibus inseri iubendo, ratificamus, approbamus, idemque priuilegium nostrum eidem Magistro Martino et suis heredibus heredumque suorum successoribus, sub appensione sigilli nostri noui et authentici presentis scripti patrocinio perpetuo confirmamus. In cuius rei memoriam, firmitatemque perpetuam praesentes concessimus litteras dupplicis sigilli nostri noui et authentici munimine roboratas. Datum per manus discreti viri, Magistri Ladislai, Praepositi Ecclesiae Albensis, nostre aule Vice-Cancellarii, dilecti et fidelis nostri. Anno Domini MCCCXXIII. Duodecimo kal. Iunii, regni autem nostri anno similiter vicesimo tercio. Venerabilibus in Christo Patribus, Domino Bolezlao Strigoniens. et fratre 428Ladislao Colocensi Archiepiscopis; Iohanne Nytriens. Benedicto Chanad. Nicolao Iaurien. Georgio de Sancto Ireneo, Ladislao Quinqueeccl. Fratre Petro Bosnensi, Iwanka Waradien. Andrea Transyluano, Henrico Wesprimien. et Chanadino Agriensi, Ecclesiarum Episcopis, Ecclesias Dei feliciter gubernantibus. Magnificis viris Philippo Palatino, Comite Scepusiensi et de Wiuár, Demetrio Magistro Tauarnicorum nostrorum, Comite Bachiensi et Trinchiniensi, Lamperto Iudice Curiae nostre, Comite Chanadiensi et Nytriensi, Thoma Wayuoda Transiluano, Comite de Zonuck, Nicolao Bano tocius Sclauoniae, Comite Supruniensi, et de Kamarun. Paulo Bano de Macho, Comite Syrmiensi, de Wolko, et de Budrug, Mykch Magistro Tauarnicorum Domine regine karissime consortis nostrae, Deseu iudice Curiae eiusdem regine, Blasio Magistro Agazonum nostrorum, Dyonisio Magistro dapiferorum nostrorum, Nicolao Comite Posoniensi et Nicolao Comite Symigiensi, et aliis quam pluribus regni nostri comitatus tenentibus et honores.“ Sigillum dupplex pendens.“