Codex diplomaticvs Hvngariae ecclesiasticvs ac civilis, VII/2., CODEX DIPLOMATICVS, CCCLXXX.

A. Ch. 1287. Capitulum Nitriense Geroldum de Kurus Magistro Tauernicorum Martino de Bugar possessiones suas Also-Berencs 100. marcis in perpetuum vendidisse, testatur.

Vniuersis Christi fidelibus, praesentem paginam inspecturis, Capitulum Ecclesiae Nitriensis, salutem in salutis largitore. Ad vniuersorum notitiam tenore praesentium volumus peruenire: quod Geroldus, filius Geroldi, frater Renoldi, Nobilis de Kurus ab vna parte, Martinus filius Bwgar, Magister Tauernicorum Mathaei condam Palatini, ab altera, coram nobis personaliter constituti, idem Gerold quasdam possessiones suas, vnam scilicet inferiorem Berencs vocatam, ab vtraque parte fluuii Nitra sitam et adiacentem, 116et septem vineas ac terras suas arabiles in Pogran existentes a Nicolao, filio Ioannis, nepote Becs, cognato suo, coniugeque eiusdem Nicolai de hoc seculo migrante, ratione proximae successionis sibi legitime deuolutis, cum omnibus vtilitatibus et pertinentiis earumdem possessionum, sub eisdem metis et terminis, quibus idem Nicolaus habuit et possedit eidem Magistro Martino, filio Bugar, et posteritatibus eius successuris, pro centum marcis et triginta marcis ab eodem plenarie receptis, praesentibus Nicolao filio Chete, Mauritio, filio Andreae Eerdeös cum filiis suis, Nicolao scilicet, et Thoma de Berencs, Leustachio filio Kochmwny similiter de Berencs, suis generationibus, Leustachio de Sceleus, ipsisque consentientibus, ac pertinentibus, et non contradicentibus, imo benevolum fauorem praebentibus, astantibus etiam et praesentibus multis prius (?) ac idoneis et specialiter etiam Benedicto ac Stephano filio eiusdem, ac Nicolao filio dicto Fodor de frmer (sic) confirmaret coram nobis vendidisse, et irreuocabiliter in perpetuum possidendum; obligans se insuper idem Geroldus, vt si ratione praedictarum possessionum praenominatarum Magister Martinus vel sui haeredes per quempiam in futurum impeterentur, defendere et expedire teneatur eosdem propriis laboribus et expensis, ipsis possessionibus in ius perpetuum praedicti Magistri Martini remanentibus, et eorum haeredum; cuius quidem terrae inferioris Berencs ab vtraque parte fluuii Nitra exemptis, sicut ab eodem Geraldo didicimus et recollegimus, metae hoc ordine distinguuntur: etc. In cuius rei memoriam, et perpetuae stabilitatis incrementum concessimus litteras sigilli nostri munimine 117roboratas. Datum per manus discreti Viri Magistri Farkasy Lectoris Ecclesiae nostrae anno Domini MCCLXXXVII.“