Codex diplomaticvs Hvngariae ecclesiasticvs ac civilis, IX/7., ANECDOTA A CHRISTOPHORO BEKE ERUTA AC HISTORIAE CATHEDRALIS ECCLESIAE WESPRIMIENSIS INSERTA.

LXI.

Conuentus S. Aniani de Tihon centum viginti iugera terrae Ecclesiae S. Michaelis Wesprim. per Vice Judicem curiae assignata refert. A. 1296.

Nos frater Renoldus diuina miseracione abbas et conuentus monasterii beati Aniani de Thyhon omnibus Christi fidelibus notum facimus presencium per tenorem: Quod cum secundum tenorem litterarum missilium nobilis viri, Comitis Martini Viceiudicis curie domini regis, in dominica inuocauit, Comites Heym, Clementinus, Nicolaus et Thyba, filii Ine. Item Egyus, Petrus, Paulus et Benedictus, fily eiusdem Egyus de Juthas, centum et triginta iugera terre ad vsum vnius aratri videlicet sufficientia, per Petrum nobilem de eadem Juthas Ecclesie beati Michaëlis Wesprimiensi condam collata et legata, que iidem Ine et filii sui, item Egyus et fily eius a capitulo ecclesie prenotate, pro censu annuali conduxerant, pro cuius annualis census denegacione per ipsum Capitulum contra dictos nobiles de Juthas materia questionis coram eodem Viceiudice Curie domini regis fuerat suscitata, coram Comite Mathia de Urs homine domini regis et homine nostro, pro testimonio deputato, remittere et restituere eidem Ecclesie debuissent; tandem Budrino presbitero decano eiusdem Ecclesie pro Capitulo antedicto ex vna parte, Clementino 721filio Ine, pro se et pro fratribus suis. Item Egyus pro se et pro filys suis prenotatis ex altera, Comite Mathia prenotato homine domini Regis et Dyonisio de Arach iobbagione Ecclesie nostre pro testimonio per nos transmisso, ipsis partibus mediatis coram nobis comparentibus, dictus decanus ac idem Egyus et filii eius ipsa centum et viginti iugera terre premisso modo habita, nec non locum vnius molendini, infra molendinum Gervasy fily Alyhal et Johannis existentem, ad ipsa centum et viginti iugera terrae spectantem, ecclesie beati Michaëlis prescripte coram ipso Comite Mathia et nostro testimonio, sicut per nos requisiti iidem affirmarunt, ac alys probis viris et idoneis commetaneis et vicinis presentibus remisissent, et reliquissent habenda pariter et tenenda, prout prius dignoscuntur possedisse. Siluaciones autem ipsorum centum et viginti iugerum, sicut eedem partes simul eisdem Comite Mathia et Dionisio homine nostro affirmantibus concorditer recitarunt, inferius localiter hoc modo distinguuntur: sex videlicet iugera in pingui tellure sunt iacentia iuxta stratam, qua venitur ad ecclesiam beate Margarethe, quorum finis protenditur versus molendinum filiorum Bugar. Item transeundo riuulum Kuczar vocatum, est vnum iugerum iuxta terram Egyus, item prope stratam dictam iuxta terram Johannis, filii Andree est vnum iugerum et dimidium, item iuxta riuulum in fine terre Moyus est iugerum dimidium terre, item duo iugera sunt, quae coniunguntur terre Dionisy fily Dees ante portam Gervasy, item vnum iugerum et dimidium iuxta terram eiusdem Dionisy in Kutzar, item vnum iugerum ex altera parte eiusdem riuuli Kuczar, vocati iuxta terram filiorum Ine; item tria iugera sunt 722in monte Kutzar descendencia ad terram eiusdem Dionysy; item vnum iugerum et dimidium iuxta terram Johannis, fily Dionysy ex altera parte Kuczar tendens versus syluam Bokon; item quatuor iugera iuxta terram Salamonis. Item quinque iugera sunt iuxta terram Gregorii fily Symonis porrecta ad terram Bartholomeus; item quatuor ibidem iuxta terram Athanas et ex altera parte terre eiusdem Athanas sunt eciam duo iugera; item duo sunt iuxta terram Salamonis fily Simon; item vnum iugerum est iuxta terram Thome, fily Basleus; item duo iugera sunt porrecta versus Bokon iuxta terram Johannis, fily Andree; item vnum iugerum terre iuxta terram Demetry, cuius finem duo iugera iuxta terram Salamonis, fily Fulch contingunt; item sex iugera ante Nullyuk iuxta Moyus et Geruasy; item sex iugera de pingui tellure iuxta stratam tendencia, ad terram Egyus supradicti; item quatuor iuxta locum molendini, quorum duo sunt ante ipsum molendinum, ex parte aquilonis, et alia duo sunt iugera iuxta idem molendinum a meridie; item duo iugera sunt iuxta terram Gregorii, fily Bethleem; item duo iugera iuxta viam gregum; item quatuor iuxta viam in transitu aque iuxta terram Mihalch fily Gregorii; item duo iugera sunt in Cheprecze, de pingui terra; item octo iugera sunt in vna continuitate in eadem Cheprecze; item septem iugera iuxta terram Fabiani existencia, in Zyl item in nemore tria iugera iuxta terram Ivan; item tria iugera iuxta viam Fazekas nuncupatam, item duo iuxta eandem viam et in fine eorumdem duorum iugerum sunt duo iugera terre a parte sylue; item sex sunt ante fenetum, quod protenditur ad viam silue Lancos vocate iuxta 723terram Demetrii; item quinque iugera sunt iuxta viam, que separat a terra Ecclesie de Kapurnuk; item tria iugera porrecta ad molendinum Benke, item quinque descendunt ad terram ecclesie de Cyroh; item quinque iugera iuxta terram Myhalch, supradicti, in Rechveg; item tria iugera terre erga insulam Menyhart – in quorum fine superius duo iugera existunt. Que itaque centum et viginti iugera terrarum suis locis scilicet diuisa modo premisso, tamen certo numero completa, sunt completa, sunt assignata. Datum in Dominica reminiscere. Anno Domini MCCXCVI.“